Сайт тест режимида ишламоқда

ҚЎҚОН ШАҲРИ ВА УЧПКЎПРИК ТУМАНИДАГИ МАКТАБЛАР ФАОЛИЯТИ ЎРГАНИЛИБ, МАВЖУД МУАММОЛАРНИ БАРТАРАФ ЭТИШ ТОПШИРИЛДИ

12 май 2022 йил
image

Халқ таълими вазирлиги масъулларининг Фарғона вилояти мактабларини ўрганиш жараёнидаги навбатдаги манзили Қўқон шаҳри ва Учкўприк тумани бўлди. Мактаблардаги ўрганиш ишлари Қўқон шаҳридаги 16-сонли ҳамда Учкўприк туманидаги 28-мактабларда давом этди. 

photo2022-05-1219-21-37-2.jpg

Қўқон шаҳридаги 16-мактабда педагогик жамоа билан мулоқот қилиниб, ўқитувчилар мамлакат тақдирига дахлдор эканлиги, бунинг учун масъулият билан ўқувчиларга пухта билим бериш кераклиги, мактабда ижтимоий-маънавий муҳитни яхшилаш, ўқувчиларни билим олишга бўлган қизиқишини ошириш муҳимлиги таъкидланди. Шаҳар халқ таълими бўлимига қисқа муддатда мактабда соғлом муҳитни шакллантириб, мактаб директорлигига муносиб номзод тавсия этиш топшириғи берилди.

photo2022-05-1219-21-34.jpg

Учкўприк туманидаги 28-мактабда эса 9-синф ўқувчилари учун “Вазир дарси” ташкил этилди. Дарсда ўқувчиларнинг математика, тарих, кимё фанларидан билимлари синовдан ўтказилди. Энг фаол қатнашган 3 нафар ўқувчига планшет ҳамда синф ўқувчиларига китоблар жамланмаси берилди. Ёш истеъдод эгаси Мухлисахонга планшет ва китоблар совға қилиниб, шеърларини республика газета ва журналларида чоп этишга тавсия этилди.

photo2022-05-1219-21-35.jpg

Эслатиб ўтамиз, Давлатимиз раҳбарининг шу йили ўтказилган йиғилишларида берилган топшириқларига асосан туман ҳокимлари ҳамда сектор раҳбарлари мактабларнинг моддий-техник базасини мустаҳкамлаш, инфратузилмасини яхшилашда амалий ёрдам беришлари белгиланган.

info@xtv.uz
@uzedu
/uzedu.uz
@uzedu
/uzedu