Sayt test rejimida ishlamoqda

QO‘QON SHAHRI VA UCHPKO‘PRIK TUMANIDAGI MAKTABLAR FAOLIYATI O‘RGANILIB, MAVJUD MUAMMOLARNI BARTARAF ETISH TOPSHIRILDI

12-may 2022-yil
image

Xalq taʼlimi vazirligi masʼullarining Farg‘ona viloyati maktablarini o‘rganish jarayonidagi navbatdagi manzili Qo‘qon shahri va Uchko‘prik tumani bo‘ldi. Maktablardagi o‘rganish ishlari Qo‘qon shahridagi 16-sonli hamda Uchko‘prik tumanidagi 28-maktablarda davom etdi.

photo2022-05-1219-21-37-2.jpg

Qo‘qon shahridagi 16-maktabda pedagogik jamoa bilan muloqot qilinib, o‘qituvchilar mamlakat taqdiriga daxldor ekanligi, buning uchun masʼuliyat bilan o‘quvchilarga puxta bilim berish kerakligi, maktabda ijtimoiy-maʼnaviy muhitni yaxshilash, o‘quvchilarni bilim olishga bo‘lgan qiziqishini oshirish muhimligi taʼkidlandi. Shahar xalq taʼlimi bo‘limiga qisqa muddatda maktabda sog‘lom muhitni shakllantirib, maktab direktorligiga munosib nomzod tavsiya etish topshirig‘i berildi.

photo2022-05-1219-21-34.jpg

Uchko‘prik tumanidagi 28-maktabda esa 9-sinf o‘quvchilari uchun “Vazir darsi” tashkil etildi. Darsda o‘quvchilarning matematika, tarix, kimyo fanlaridan bilimlari sinovdan o‘tkazildi. Eng faol qatnashgan 3 nafar o‘quvchiga planshet hamda sinf o‘quvchilariga kitoblar jamlanmasi berildi. Yosh isteʼdod egasi Muxlisaxonga planshet va kitoblar sovg‘a qilinib, sheʼrlarini respublika gazeta va jurnallarida chop etishga tavsiya etildi.

photo2022-05-1219-21-35.jpg

Eslatib o‘tamiz, Davlatimiz rahbarining shu yili o‘tkazilgan yig‘ilishlarida berilgan topshiriqlariga asosan tuman hokimlari hamda sektor rahbarlari maktablarning moddiy-texnik bazasini mustahkamlash, infratuzilmasini yaxshilashda amaliy yordam berishlari belgilangan.

info@xtv.uz
@uzedu
/uzedu.uz
@uzedu
/uzedu