Сайт тест режимида ишламоқда

ТАЪЛИМ МУАССАСАЛАРДАГИ МАЪНАВИЙ-МАЪРИФИЙ ИШЛАРГА МАСЪУЛ ХОДИМЛАР УЧУН ЎҚУВ-СЕМИНАР ТАШКИЛ ЭТИЛДИ

7 январь 2022 йил
image

Бугунги кунда мамлакатимизда маънавий-маърифий ишларни тизимли ташкил этиш, ушбу йўналишда амалга оширилаётган чора тадбирларнинг самарадорлигини ошириш, аҳоли, айниқса ёшларнинг интеллектуал салоҳияти, онгу тафаккури ва дунёқарашини юксалтириш, мафкуравий иммунитетини мустаҳкамлаш, ватанпарварлик, халққа муҳаббат ва садоқат туйғуси билан яшайдиган баркамол авлодни тарбиялашга алоҳида эътибор қаратилмоқда.

photo2022-01-0617-48-59.jpg

Шу муносабат билан, Халқ таълими вазирлиги томонидан Тошкент шаҳар Ички ишлар бош бошқармаси ҳамкорлигида жорий йил 6-7 январь кунлари тизимда фаолият юритаётган маънавий-маърифий ишларга масъул ходимлар учун Халқ таълими вазири ўринбосари Вохобжон Ражапов бошчилигида ўқув-семинар ташкил этилди.

Мазкур тадбирда таълим муассасаларида ўқувчиларнинг мактаб ички тартиб ва одоб-ахлоқ қоидаларига сўзсиз риоя қилишлари самарадорлигини ошириш, тарбиявий жараёнларни янада такомиллаштириш, иқтидорли ўқувчилар билан тизимли ишларни ташкил этиш каби муҳим мавзулар кун тартибидан жой олди.

photo2022-01-0712-05-51-2.jpg

Шунингдек, унда синф раҳбарлари фаолиятини такомиллаштириш ҳамда ўқувчиларнинг давоматини ўрганиш, дарсларга келмаслик сабабларини аниқлаш ва уларни дарс жараёнига жалб этиш бўйича амалга оширилаётган ишлар юзасидан мутахассислар ўзаро фикр алмашдилар.

photo2022-01-0712-05-52.jpg

Тадбир якунида таълим муассасаларда маънавий-маърифий ишларни янада кучайтириш мақсадида мутахассислар томонидан тавсиялар берилди ҳамда иштирокчилар томонидан берилган саволларга батафсил жавоблар қайтарилди.

info@xtv.uz
@uzedu
/uzedu.uz
@uzedu
/uzedu