Дастлаб, вазир Гулистон шаҳридаги “Саховат” савдо марказида янги барпо этилган болалар ўйин майдончасининг очилиш тадбирида қатнашди. Бу ерда болалар учун қувонч улашадиган замонавий ўйингоҳлар ташкил этилган.

Сўнгра Гулистон туманидаги янги барпо этилган “Ёшлар боғи”нинг очилиш тадбирида қатнашиб, туманнинг 500 нафар битирувчилари билан учрашди. Муддатидан аввал олий ўқув юрти талабаси бўлган 4 нафар битирувчи ҳамда “Хорижий тилларни ўқитиш бўйича энг яхши мактаб” танлови ғолиблари тақдирланди.