Мактаб ўқувчиларининг интеллектуал салоҳиятини ривожлантириш мақсадида ўтказилаётган «Заковат» интеллектуал ўйинларининг «Вазирлик кубоги» республика турнири якунланди.

Финал босқичи якунида Тошкент шаҳрининг “Ирфон” жамоаси 1-даражали, Фарғона вилоятининг 1-ИДУМИ 2-даражали ҳамда Андижон вилоятининг  “Дипломат” жамоаси  3-даражали дипломни қўлга киритди. 

Турнирда “Заковат интеллектуал клуби” ННТ директори   ўқувчиларга мазкур ўйиннинг шаклланиши ва шу кунгача босиб келинган йўли ҳақида тушунча берди.  Шу билан бирга ўқувчилар орасида бу турнирни янада кучайтириш лозимлигини таъкидлади. 

Республика турнири якунида ғолиб жамоалар Халқ таълими вазирлиги томонидан қимматбаҳо совға ҳамда диплом билан тақдирланди.