Республиканинг барча ҳудудларида Халқ таълими вазирлиги томонидан ўрта таълим мактаблари ўқувчилари ўртасида 5 муҳим ташаббус доирасида фестиваль танловлари ўтказилмоқда. Илк маротаба ўтказилаётган фестивалга Навоий вилояти мезбонлик қилмоқда.

Халқ таълими вазири ўринбосари фестиваль доирасида ташкил этилган бешта муҳим ташаббус бўйича амалга оширилаётган ишлар ҳамда ҳунармандчилик, робототехника билан шуғулланиб келаётган ёшларнинг иш намуналари билан танишди.

Фестиваль доирасида 5 муҳим ташаббуснинг 5 та йўналишлари бўйича умумтаълим мактаб ўқувчилари ўзларининг маҳоратларини намойиш этишди ва фестивалда ғолиб бўлган ўқувчи ёшлар эсдалик совғалари билан тақдирландилар.

Фестивалнинг якуний натижалари билан кейинги хабарларимизда танишишингиз мумкин.