Халқ таьлими соҳасида ҳам муаммолар “мактаббай” ўрганилиб, ечими ҳал этилмоқда. Бу борада ижтимоий тармоқлар орқали юртдошларимизнинг фаоллиги ошиб, ўз муносабат ва таклифларини бермоқда.

Бугун Халқ таьлими вазирлиги мутасаддилари Чортоқ туманидаги 1-сонли мактабда бўлди. Мактаб жамоаси ва ўқувчилар билан учрашиб, мактаб муаммолари ўрганилди.

10-синф ўқувчилари билан суҳбатда кўпроқ касблар ҳақида таништириш, фақат 5-6 та касб билан чегараланмасдан, хизмат кўрсатиш, ишлаб чиқариш, саноат соҳалари билан хам таништириб бориши зарурлиги, бунинг учун чуқурроқ таьлим олиши, кўпроқ китоб ўқишлари тарғиб қилинди.

Мактабнинг 2 нафар истеъдодли ижодкор ўқувчисига ноутбук, мактабга электрон доска совға қилинди. Шунингдек, вазирлик ишчи гуруҳи Уйчи туманидаги 7- ва 22-сонли мактабларда ҳам бўлиб, яратилган шароитлар билан танишилди.

Ўрганилган мактабларни 2023 йилда Инвестиция дастурига киритган холда мукаммал таьмирлаш, ўқувчи сони ўсишини инобатга олиб, қўшимча бино қуриш таклифи билдирилди. 22-мактабга 2 та компьютер синфи, 7-мактабга телевизор ва фанга оид видеодарслар тақдим этилди.