Мазкур мактаб-интернати 1978 йилда ташкил этилган, 200 ўринга мўлжалланган ва ҳозирда  унда 251 нафар ўқувчи тарбияланмоқда. Мактаб-интернатда алоҳида эҳтиёжи мавжуд болаларга ҳар қачонгидан кўпроқ эътибор қаратиш, ўқув жараёнларини ривожлантириш, педагогларнинг касбий маҳоратини ошириш, улар учун махсус ўқув дастур ва қўлланмаларни  такомиллаштириш зарурлиги таъкидланди.

Мактаб-интернатда ўқувчилар учун шароитларни янада яхшилаш мақсадида  ўқув биноси, ошхонаси ва бошқа ёрдамчи хоналарни таъмирлаш учун вилоят ҳокимлиги билан биргаликда ижтимоий ва ишлаб чиқариш инфратузилмасини ривожлантириш Дастурига қўшимча киритиш бўйича таклиф тайёрланади.

Мактаб-интернат педагогик жамоасига телевизор топширилди.