-

Bolalarni ijtimoiy himoyalash va qo‘llab-quvvatlash boshqarmasining asosiy vazifalari va funksiyalari: 

rivojlanishida turli nuqsonlari bo‘lgan hamda davolanishga va sog‘lomlashtirishga muhtoj bo‘lgan bolalarning ijtimoiy kafolatlarini ta’minlovchi chora-tadbirlar samaradorligini yanada oshirish, ularning ta’lim-tarbiya olishlari uchun moslashuv muhitini yaratish, imkoniyatlari cheklangan bolalar uchun ixtisoslashtirilgan ta’lim muassasalari (maktablar, maktab-internatlar)ning differensiallashgan tarmoqlarini maqbullashtirish;
nogironlarni ijtimoiy himoya qilish bo‘yicha ustuvor yo‘nalishlarni belgilash, nogironlarni reabilitatsiya qilish, ijtimoiy himoya qilish hamda ularning huquqlari va qonuniy manfaatlarini ta’minlashga doir davlat dasturlarini, shuningdek hududiy dasturlarni shakllantirish va amalga oshirish;
nogironlarning ta’lim olishi, ularni kasbga tayyorlash va umumiy o‘rta ta’lim muassasalarida, statsionar davolash-profilaktika yoki reabilitatsiya qilish muassasalarida davolanayotgan nogiron bolalar uchun o‘quv mashg‘ulotlari tashkil etish;
vasiylik yoki homiylik belgilanishiga muhtoj bo‘lgan shaxslarning huquqlari, erkinliklari va qonuniy manfaatlarini himoya qilishni ta’minlovchi davlat muassasalari faoliyatini muvofiqlashtirish va nazorat qilish;
ijtimoiy himoyaga muhtoj bolalarni muqobil joylashtirishning shakllarini (vasiylik va homiylikni belgilash, bolani farzandlikka va oilaga tarbiyaga olish (patronat), ixtisoslashtirilgan tarbiya, davolash muassasalariga, ijtimoiy himoya muassasalariga joylashtirish) belgilash bo‘yicha markazlashgan nazoratni olib borish;
mehribonlik uylari faoliyatini takomillashtirish, ota-onalar qarovisiz qolgan bolalarning ijtimoiy-psixologik reabilitatsiyasini va huquqiy himoya qilinishini ta’minlash, ularning ijtimoiy-mehnat ko‘nikmalari hosil qilishiga va jamiyatga uyg‘unlashuviga ko‘maklashish;
ixtisoslashtirilgan o‘quv-tarbiya muassasalarining, shuningdek voyaga yetmaganlarning huquqlari, erkinliklari va qonuniy manfaatlari himoya qilinishini ta’minlash vazifalarini amalga oshirayotgan boshqa muassasalarning faoliyatini takomillashtirishga doir chora-tadbirlarni amalga oshirish.