Sayt test rejimida ishlamoqda

Vazirlik markaziy apparati

.
image

MAMARAIMOVA
NASIBA
YADGAROVNA

Xalq ta'limi vazirining ma'naviy-ma'rifiy ishlar samaradorligini oshirish, davlat tili to'g'risidagi qonun hujjatlariga rioya etilishini ta'minlash masalalari bo'yicha maslahatchisi

09:00 - 18:00

Mamaraimova Nasiba Yadgarovna 1973-yil 3-iyunda Surxondaryo viloyatida tavallud topgan. 1996-yil Toshkent davlat universitetini, 2005-yil Oʻzbekiston Respublikasi Prezidenti huzuridagi Davlat va jamiyat qurilishi akademiyasini, 2009-yil Mirzo Ulugʻbek nomidagi Oʻzbekiston Milliy universitetini tamomlagan. 2004-yilda “Shuhrat medali” sohibi bo‘lgan. 

 

1996-2006 yy. - Oʻzbekiston Respublikasi yoshlarining “Kamolot” jamgʻarmasi Surxondaryo viloyati boʻlimi Maʼnaviyat maʼrifat fan va madaniyat masalalari boʻlimi mudiri, rais oʻrinbosari, Markaziy Kengashining tashkiliy kadrlar va axborot-tahlil boʻlimi yetakchi mutaxassisi, kadrlar bilan ishlash boʻyicha inspektori, yosh xotin-qizlar va oila masalalari boʻlimi mudiri

2004-2005 yy. - Oʻzbekiston Respublikasi Prezidenti huzuridagi Davlat va jamiyat qurilishi akademiyasi tinglovchisi

2006-2007 yy. - Oʻzbekiston Respublikasi “Kamolot” yoshlar ijtimoiy harakati Markaziy Kengashi raisi oʻrinbosari Bolalar tashkiloti raisi

2006-2009 yy. - Mirzo Ulugʻbek nomidagi Oʻzbekiston milliy universiteti talabasi

2011-2012 yy. - Surxondaryo viloyati hokimligining Oila, onalik va bolalikni ijtimoiy muhofaza qilish masalalari boʻyicha majmuasi bosh mutaxassis

2012-2014 yy. - Madaniyat va sport ishlari vazirligining Madaniy-maʼrifiy muassasalar, kutubxonalar va muzeylar boshqarmasi boshligʻi oʻrinbosari, S.Borodin uy-muzeyi direktori

2015-2016 yy. - Toshkent viloyati isteʼmolchilar huquqlarini himoya qilish jamiyatlari hududiy birlashmasi rais oʻrinbosari-ijrochi direktor, Oʻzbekiston isteʼmolchilar huquqlarini himoya qilish jamiyatlari Federatsiyasi markaziy apparati Matbuot va axborot boʻlimi bosh mutaxassisi

2017-2018 yy. - Oʻzbekiston nodavlat notijorat tashkilotlari milliy assotsiatsiyasi masʼul kotibi, Ijro nazorati va tashkiliy-kadrlar ishlari boʻyicha bosh mutaxassis

2018-2020 yy. - Oʻzbekiston Respublikasi Xalq taʼlimi vazirligi Oʻquvchi va yoshlar tashkilotlari bilan ishlash boshqarmasi yetakchi mutaxassisi

 

2020-y. - h.v. - Oʻzbekiston Respublikasi Xalq taʼlimi vaziri maslahatchisi

Maslahatchining asosiy vazifalari quyidagilar hisoblanadi:

Oʻzbekiston Respublikasi Xalq taʼlimi vazirligi (bundan buyon matnda vazirlik deb yuritiladi), shuningdek, Qoraqalpogʻiston Respublikasi Xalq taʼlimi vazirligi, Toshkent shahar va viloyatlar xalq taʼlimi boshqarmalari, shuningdek, vazirlik tizimidagi barcha tashkilot va muassasalarda (bundan buyon matnda vazirlik tizimidagi tashkilotlar deb yuritiladi) maʼnaviy-maʼrifiy sohaga va davlat tiliga oid qonun hujjatlari hamda dasturlar va “yoʻl xaritalari”ning ijrosini tashkil etish;

vazirlik va uning tizimidagi tashkilotlarda maʼnaviy-maʼrifiy sohaga va davlat tiliga oid qonun hujjatlariga soʻzsiz rioya etilishini, maʼnaviy-maʼrifiy ishlar samaradorligini oshirish borasidagi ishlarni tanqidiy oʻrganish, bu borada aniqlangan kamchilik va muammolarni bartaraf etish yuzasidan chora-tadbirlarni amalga oshirish;

davlat tili toʻgʻrisidagi qonun hujjatlari talablariga soʻzsiz rioya etilishini taʼminlash boʻyicha jamoatchilik nazoratining samarali shakllarini joriy etish yuzasidan takliflar ishlab chiqish va ularning amalga oshirilishida ishtirok etish;

vazirlikda xodimlarga davlat tilini chuqur oʻrganishlari uchun zarur shart-sharoitlar yaratish hamda davlat tilini keng targʻib qilish va rivojlantirishga, shu jumladan, “Oʻzbek tili bayrami kuni”ni nishonlash boʻyicha madaniy-maʼrifiy va boshqa tadbirlarni tashkil etish;

geografik va boshqa toponimik obyektlar, madaniy meros hamda xalq taʼlimi sohasidagi barcha obyektlarga qonun hujjatlariga muvofiq nom berilishi borasidagi faoliyatni monitoring qilish va bu boradagi aniqlangan kamchiliklarni bartaraf etish yuzasidan takliflar kiritish;

vazirlik tizimidagi tashkilotlar hamda ularga tegishli hududlardagi barcha tashqi yozuvlar, shu jumladan lavhalar, eʼlonlar, reklama materiallarining davlat tili va reklama toʻgʻrisidagi qonun hujjatlariga muvofiq boʻlishini taʼminlashda ishtirok etish hamda nazorat qilish;

vazirlik hamda vazirlik tizimidagi tashkilotlarda davlat tilini rivojlantirishga oid ilmiy-tadqiqot ishlarini qoʻllab-quvatlash, xalq taʼlimi sohasida ilmiy asoslangan yangi soʻz va atamalarni isteʼmolga kiritish, zamonaviy atamalarning oʻzbekona muqobillarini yaratish boʻyicha takliflar kiritish.

info@xtv.uz
@uzedu
/uzedu.uz
@uzedu
/uzedu