Mazkur olimpiadadan ko‘zlangan asosiy maqsad, matematika, fizika, kimyo va biologiya fani bo‘yicha bilimli, ushbu fanga qiziquvchi, intiluvchan yoshlarni aniqlash, ularni nufuzli xalqaro fan olimpiadalari uchun tizimli, puxta tayyorgarlik ko‘rishlarini taʼminlash hamda iqtidorli o‘quvchilarga ko‘maklashish, qo‘llab-quvvatlash va rag‘batlantirishdan iborat.

Ushbu olimpiadada muvaffaqiyatli ishtirok etgan o‘quvchilar kelgusida respublika, mintaqaviy va xalqaro miqyosda tashkil qilinadigan turli intellektual musobaqalarda, olimpiadalarda ishtirok etuvchi respublika terma jamoasiga nomzod sifatida kiritiladi.

Shuningdek, nufuzli xalqaro olimpiadalarda O‘zbekiston terma jamoasining natijadorligini oshirish maqsadida yosh iqtidorlarni zaxirada tayyorlab borish amaliyoti joriy etiladi.

Olimpiada 28 may kuni o‘z nihoyasiga yetadi va g‘olib o‘quvchilar vazirlik tomonidan qimmatbaho sovg‘alar bilan taqdirlanadi.