Forum doirasida “York Press” va “Pearson Assesment” nashriyotlari bilan ham uchrashuvlar tashkil etildi. Usmon Sharifxodjayev mazkur nashriyot mutaxassislari bilan xalqaro miqyosda tan olingan zamonaviy darsliklar yaratish, ularni Oʻzbekistonga moslashtirish masalalarini muhokama qildi.

Shuningdek, hamkorlar bilan oʻqituvchilar bilimini baholash hamda sertifikatsiyalarni joriy qilish boʻyicha kelishib olindi.

“National Geographic Learning” taʼlim kontentiga moslangan elementlarni Oʻzbekistonda taʼlim jarayoniga moslashtirish boʻyicha fikr almashildi.