Zarafshon shahridagi 12-sonli maktabda yuqori sinf o‘quvchilari va pedagoglar bilan suhbatda vazir Baxtiyor Saidov aynan shu mavzuda, yaʼni kasblarni to‘g‘ri tanlash, hudud ehtiyojidan kelib chiqib kasblarga yo‘naltirishi zarurligini taʼkidladi. O‘quvchilarga maktabda shunchaki o‘qish emas, olgan bilimlarni hayotda nima uchun kerakligini, bu bilimni hayot davomida qo‘llay olish ko‘nikmasiga ega bo‘lishlari tushuntirib berildi.

Maktabning 3 nafar iqtidorli o‘quvchisiga noutbuk, dars jarayonlarini yana-da samarali tashkil etishlari uchun televizor taqdim etildi hamda qo‘shimcha zamonaviy kompyuter sinfxonalari bilan taʼminlanadigan bo‘ldi.

Maktabda o‘quvchilar uchun munosib sharoit yaratish maqsadida kelgusida 2023-2026 yillarga mo‘ljallangan Investitsiya dasturiga kiritgan holda moddiy-texnik bazasi va infratuzilmasi yaxshilanadi.