Xalq ta’limi vazirligi ishchi guruhi bugun kunning ikkinchi yarmida Olmazor tumanidagi 234- va 298-maktab faoliyati bilan tanishdi. Mavjud muammolar o‘rganilib, pedagog va o‘quvchilar bilan muloqot qilindi.

Xususan, 298-maktabda 7-sinf, 234-maktabda 6- va 8-sinfda dars jarayonlarida  ishtirok etilib, o‘quvchilarning ushbu fanlardan o‘zlashtirish darajasi savol-javoblar orqali aniqlashtirildi. O‘quvchilar barcha fanlarni yaxshi o‘qishi, ko‘proq badiiy asarlar o‘qish orqali bilimlarini boyitib borishlari ta’kidlandi.

Maktabda ta’lim darajasini yaxshilash ko‘p jihatdan maktab direktoriga bog‘liq ekanligi, buning uchun direktorlarga qo‘yilgan talablar kuchaytirilishi ta’kidlandi.

234-maktabda esa 6-sinfning 2 nafar iste’dodli o‘quvchisiga noutbuk sovg‘a qilindi.

Davlatimiz Rahbari huzurida shu yilning 5 aprel kuni o‘tkazilgan videoselektor yig‘ilishida berilgan topshiriqqa asosan, Olmazor tuman hokimligi tomonidan yaratilayotgan ta’lim muassasalarida o‘ziga xos “brend” (logotip va maktab formasi) namunalari ko‘zdan kechirildi.

Maktablarda mavjud muammolar tayyorlanayotgan “Yo‘l xaritasi”ga kiritilgan holda hal etish rejalashtirildi.