BUXOROLIK O‘QUVCHI XALQARO SAT IMTIHONIDA REKORD NATIJANI QAYD ETDI

Buxoro shahridagi 2-umumta’lim maktabi bitiruvchisi Parviz Tuksanov o‘tgan o‘quv yilida bilish darajasini belgilovchi xalqaro IELTS imtihonida 8.5 ballni qo‘lga kiritib, bu borada mamlakatimiz yoshlari orasida eng yaxshi natijani qayd etgan edi.
Joriy yilda esa u SAT imtihonida 1560 ballni qo‘lga kiritib, rekord natijani qayd etdi. 

SAT imtihoni -  “akademik baholash testi” bo‘lib, abituriyentlarning tanqidiy fikrlash ko‘nikmalarini tekshirish uchun o‘tkaziladigan xalqaro imtihon. Dunyoning eng nufuzli oliygohlarida o‘qish istagida bo‘lgan yoshlar, albatta SAT sertifikatiga ega bo‘lishlari shart. 

Parvizning maqsadi - TOP-5 talikka kiruvchi oliygohlarda tahsil olib, mamlakatimiz ravnaqiga munosib hissa qo‘shishdir. Yuksak marralarni ko‘zlayotgan bu iqtidorli va tirishqoq o‘quvchiga omad tilab qolamiz!