Сайт тест режимида ишламоқда

ЎЗБЕКИСТОНЛИК ЎҚИТУВЧИЛАР ИЛК БОР ТАШКИЛ ЭТИЛГАН ТУРКИЙ ТИЛЛИ ДАВЛАТЛАРНИНГ “1-ЎҚИТУВЧИЛАР АЛМАШИНУВ ДАСТУРИ”ДА ИШТИРОК ЭТМОҚДА

6 июнь 2022 йил
image

Туркий давлатлар ташкилоти ҳамкорлиги доирасида алоқаларни кенгайтириш, жумладан таълим соҳасида ўзаро тажриба алмашиш мақсадида шу йил илк маротаба ташкил этилаётган "1-Ўқитувчилар алмашинув дастури"да ўзбекистонлик ўқитувчилар иштирок этмоқда. 

photo2022-06-0614-11-20.jpg

Мазкур тадбир Туркияниннг Анқара ва Истамбул шаҳарларида бўлиб ўтмоқда. Тадбирда шунингдек, Туркий тилли давлатлар ташкилотига аъзо мамлакатлар Туркия, Озарбайжон, Қозоғистон, Қирғизистон, Туркманистон ва Венгрия давлатидан ўқитувчилар иштирок этмоқда. 

photo2022-06-0615-33-19.jpg

Дастурдан кўзланган мақсад Туркий тилли давлатлар ташкилотига аъзо мамлакатларнинг таълим соҳасидаги илғор тажрибаларини ўрганиш ва ўзаро ҳамкорликда татбиқ этишдан иборат. 

photo2022-06-0614-11-19.jpg

Жорий йилнинг 6 дан 12 июнига қадар давом этадиган тадбирда илғор методикаларни ўрганиш, аъзо мамлакатларнинг таълим тизимидаги ўзига хос томонлари тақдимоти ҳамда Туркиянинг етакчи таълим муассасалари фаолияти билан танишиш режалаштирилган. 

photo2022-06-0611-25-26.jpg

photo2022-06-0614-41-11.jpg

Бир ҳафта давомида ўзбекистонлик ўқитувчилар дастурда муваффақиятли иштирок этиб, таълим тизимидаги илғор методикаларни ўрганиб қайтади.

info@xtv.uz
@uzedu
/uzedu.uz
@uzedu
/uzedu