Сайт тест режимида ишламоқда

ЎҚУВЧИЛАРНИ КАСБГА ЙЎНАЛТИРИШ УЧУН USAID ТОМОНИДАН 10 МЛН. ДОЛЛАРЛИК ГРАНТ АЖРАТИЛДИ

18 май 2022 йил
image

Ёшлар бандлиги ва тадбиркорлигини кенгайтиришга қаратилган 10 млн. долларлик беғараз грант маблағлари доирасида халқаро лойиҳани амалга ошириш жараёни бошланди.

Халқ таълими вазирлиги АҚШнинг халқаро тараққиёт агентлиги USAID билан ҳамкорликда амалга ошираётган умумтаълим мактаб ўқувчиларининг молиявий саводхонлигини ошириш, тадбиркорлик кўникмаларини ривожлантиришга қаратилган лойиҳа тажриба-синов тариқасида Фарғона вилоятида ўз ишини бошлади.

photo2022-05-1710-23-12-2.jpg

Лойиҳага кўра умумтаълим мактабларида ўтиладиган "Иқтисодий билим асослари", "Тадбиркорлик асослари" дарсларининг ўтилиш жараёни таҳлил қилиниб, янги стандарт, ўқув дастур, методик қўлланмалар ишлаб чиқиш ҳамда амалиётга татбиқ этиш, ўқувчиларга истиқболли касбларни эгаллаши учун пойдевор бўладиган билим ва кўникмалар бериб бориш каби қатор ишларни амалга ошириш режалаштирилган. 

photo2022-05-1710-23-11.jpg

Шу билан бирга 8-11-синф ўқувчиларининг қизиқишлари танлов асосида ўрганилади ва ўтказилган таҳлиллар асосида уларнинг касбий мойиллиги бўйича келгусида касбга йўналтириш ишлари изчил олиб борилади.

photo2022-05-1710-23-13.jpg

Мазкур лойиҳалар орқали ўқувчи-ёшларда молиявий саводхонлик ва тадбиркорлик кўникмаларини ривожлантириш ҳамда мактаб давридан касб-ҳунарга бўлган қизиқишларини ошириш учун замин яратилади.

info@uzedu.uz
@uzedu
/uzedu.uz
@uzedu
/uzedu