Хабар берганимиздек, бир гуруҳ мактаб директорлари Англиядаги Портсмут университетида касбий ривожланиш машғулотларида иштирок этишмоқда.

Бугунги тренингларда ўқувчига йўналтирилган таълим, мактаб директорлари учун ўқувчининг манфаатларини биринчи ўринга қўйиш ҳамда ўқув даргоҳида болалар учун ҳар томонлама қулай муҳит яратиш ҳақида сўз борди.

Куннинг иккинчи ярмида эса таълимдаги ўзгаришлар ва ислоҳотларни амалиётга жорий этишдаги риск ва муаммолар ҳамда таълимда натижага эришиш учун инобатга олиниши лозим бўлган жиҳатлар ҳақида семинар  бўлиб ўтди. 

Эслатиб ўтамиз, Портсмутдаги касбий ривожланиш машғулотлари 2 ҳафта давом этади.