Ўзбекистон Республикаси Президентининг “Ўзбекистон Республикаси Халқ таълими тизимини 2030 йилгача ривожлантириш концепциясини тасдиқлаш тўғрисида” 2019 йил 29 апрелдаги ПФ-5712-сон Фармони ва Ўзбекистон Республикаси Президентининг “Мактабгача ва мактаб таълими тизимига бошқарувнинг янги тамойилларини жорий этиш чора-тадбирлари тўғрисида” 2018 йил 5 сентябрдаги ПҚ-3931-сон қарорига асосан мактабгача ва мактаб таълими соҳасига давлат-хусусий шериклик механизмлари жорий этилган ҳамда нодавлат умумтаълим ташкилотлари улушини ошириш белгиланган.
Сурхондарё вилояти, Музрабод тумани, "Оби ҳаёт" маҳалласида жойлашган 7-сонли ихтисослаштирилган умумтаълим мактабининг бўш турган биноси ва унга туташ ер майдонида (18 198 kv.m.) (кейинги ўринларда — ДХШ объекти) давлат-хусусий шериклик шартлари асосида нодавлат таълим муассасасини ташкил этиш режалаштирилган.
Давлат-хусусий шериклик лойиҳаси шартлари оз ичига қуйидагиларни олади:
Ташкил этилаётган нодавлат умумтаълим ташкилотининг умумий ўқувчилар сонидан 20 фоизига (ижтимоий ҳимояга муҳтож оила фарзандлари) бепул таълим бериш;
давлат шериги билан келишилган лойиҳа ҳужжатлари асосида ДХШ объектида нодавлат умумтаълим муассасасини ташкил этиш учун бино ва иншоотлар қуриш, шунингдек, ушбу муассасанинг моддий-техник базасини замонавий стандартларга мос равишда ташкил этиш;
битим амал қилиш муддати давомида ДХШ объектини асосий фаолият турини ўзгартирмаган ҳолда фойдаланиш;
ДХШ объектида бино ва иншоотларни техник ва ёнғин хавфсизлиги қоидаларига мувофиқлаштирилган ҳолда қуриш, ҳамда битим амал қилиш муддати давомида ушбу қоидалар асосида реконструкция ва эксплуатация қилиш;
узоқ муддатга ДХШ объектини ривожлантириш режасини давлат шеригига тақдим этиш.
Ўзбекистон Республикасининг “Давлат-хусусий шериклик тўғрисида” 2019 йил 10 майдаги ЎРҚ-537-сон Қонунига ва Ўзбекистон Республикаси Вазирлар Маҳкамасининг “Давлат-хусусий шериклик лойиҳаларини амалга ошириш тартибини такомиллаштириш тўғрисида” 2020 йил 26 апрелдаги 259-сон қарорига мувофиқ мазкур лойиҳанинг концепцияси Мактабгача ва мактаб таълими вазирлиги томонидан жорий йил 23 ноябрда тасдиқланган.
Ўзбекистон Республикасининг “Давлат-хусусий шериклик тўғрисида”ги Қонунига мувофиқ тасдиқланган давлат-хусусий шериклик лойиҳаси концепциясини потенциал давлат шериги (Мактабгача ва мактаб таълими вазирлиги) томонидан бошқа талабгорларга давлат-хусусий шериклик лойиҳасининг амалга оширилишидан манфаатдорлиги тўғрисида маълум қилиш мақсадида ўзининг ҳамда Иқтисодиёт ва молия вазирлигининг расмий веб-сайтида қирқ беш календарь кун муддатда эълонга жойлаштирди.
Қизиқиш билдириш учун сўров шакли
Лойиҳа концепцияси
Тендерда қатнашиш учун манфаатдор томонлар қизиқиш билдириш учун сўров ва тендер аризаларини (таклифларини) 2024 йил 8 январь Тошкент вақти билан соат 18.00 гача топширишлари керак.
Қизиқиш билдириш учун сўров ва тендер аризалари (таклифлар) қуйидаги манзилда қабул қилинади: Тошкент шаҳри, A.Navoiy кўчаси, 2а уй (Мактабгача ва мактаб таълими вазирлиги).
Ўзбекистон Республикасининг “Давлат-хусусий шериклик тўғрисида”ги Қонуннинг 17-моддасига биноан, қизиқиш билдириш учун сўров ва тендер аризалар (таклифлар) олинган тақдирда, Халқ таълими вазирлиги томонидан лойиҳанинг хусусий ташаббускори ва қизиқиш билдирган учинчи томонлар иштирокида хусусий шерикни аниқлаш учун тендер ўтказади.
