Sayt test rejimida ishlamoqda

Vazirlik markaziy apparati

.
image

XOʻJAQULOV
LAZIZ
CHORIYEVICH

Taʻlim sifati jarayonlarini muvofiqlashtirish departamenti direktori

Xoʻjaqulov Laziz Choriyevich 1978-yil 27-sentyabr kuni tavallud topgan. 1998-yilda Jahon iqtisodiyoti va diplomatiya universitetini, 2001-yilda esa Buyuk Britaniyaning Manchester universitetini tamomlagan.

1996-1998 yy. - Jahon iqtisodiyoti va diplomatiya universiteti talabasi

1998-2001 yy. - Buyuk Britaniyaning Manchester universiteti talabasi

2001-2005 yy. - “Oʻzbekinvest” MEISK Buxoro viloyat filialida anderrayter

2005-2013 yy. - Buxoro davlat universiteti “Iqtisodiyot nazariyasi” kafedrasi oʻqituvchisi

2013-2015 yy. - Hyundai Engineering Co., Ltd Mahalliy xomashyo va tovarlar xarid qilish boʻlim boshligʻi

2015-2020 yy. -“KT Corporation” Loyiha boshqaruvi bosh mutaxassisi

2020-2020 yy. - Xalq taʼlimi vazirligi axborot-kommunikatsiya texnologiyalarini joriy etishni muvofiqlashtirish boʻlimi boshligʻi

2020-2021 yy. - Xalq taʼlimi boshqarmasi taʼlim sifatini monitoringi boshqarmasi boshligʻi

2021-y. - v.h. - Taʼlim sifati jarayonlarini muvofiqlashtirish, pedagog kadrlarni tayyorlash va salohiyatini oshirish boshqarmasi boshligʻi

Boshqarmaning asosiy vazifalari va funksiyalari quyidagilardan iborat:

umumiy oʻrta va maktabdan tashqari taʼlim muassasalari tomonidan davlat taʼlim standartlari va talablari bajarilishi, oʻquvchilar bilimi va taʼlim sifatiga taʼsir qiladigan omillarni aniqlash boʻyicha tizimli monitoringni amalga oshirish;

hududiy xalq taʼlimi boshqaruv idoralari va respublika tashkilotlari bilan birgalikda Boshqarmaga yuklangan vazifalar va funksiyalarning samarali bajarilishini tashkil etish;

davlat taʼlim standartlari va talablarining takomillashtirilishini hamda rivojlangan davlatlar tajribasini oʻrganish asosida taʼlim sifati monitoringi olib borilishini tashkil etish;

monitoring jarayonida qoʻllaniladigan materiallar, texnologiya va metodikalarni ishlab chiqish, xalqaro tajribalarni oʻrganib chiqish asosida mazkur jihatlarni takomillashtirib borish;

monitoring jarayonining shaffof, adolatli va xolisona tashkil etilishini taʼminlash maqsadida axborot-kommunikatsiya texnologiyalarini keng joriy etish;

oʻqituvchi va oʻquvchilarning taʼlimga oid ehtiyojlari, taʼlim sifatiga taʼsir etuvchi omillardan kelib chiqqan holda, monitoring jarayonida aniqlangan nuqsonlarni bartaraf etish yuzasidan oʻquv-metodik materiallarni ishlab chiqish boʻyicha metodik xizmat boʻlimlariga takliflar berish;

taʼlim sifati monitoringi yoʻnalishida xalqaro tajribalarni oʻrganish va ular asosida monitoring jarayonini takomillashtirish boʻyicha takliflar ishlab chiqish;

oʻquvchilarga taʼlim berish sifatini oshirishga yoʻnaltirilgan, davlat standartlari talablari, davlat talablari bajarilishini oʻrganish boʻyicha intellektual koʻrik-tanlovlar va musobaqalar tashkil qilinishini taʼminlash;

hukumatning tegishli qarorlari hamda xalqaro shartnomalar asosida oʻquvchilar bilimini milliy va xalqaro darajada baholash jarayonlarida ishtirok etishga tayyorgarlik koʻrish;

oʻquvchi-yoshlarining savodxonligini xolisona baholash, ularning olgan bilimlarini amaliyotda qoʻllash qobiliyatini rivojlantirish borasidagi xalqaro tadqiqotlarda ishtirok etish yuzasidan takliflar tayyorlash;

xududiy xalq taʼlimi boshqaruv idoralari va taʼlim muassasalari reytingini aniqlash parametrlarini ishlab chiqish hamda ularning reytingini aniqlashda ishtirok etish;

manfaatdor vazirlik va idoralar bilan birgalikda mazmunan taalluqlilik asosida meʼyoriy-huquqiy hujjatlar loyihalarini ishlab chiqish hamda uni takomillashtirishda ishtirok etish;

Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi bilan hamkorlikda tizimdagi umumiy oʻrta taʼlim muassasalarining attestatsiya va davlat akkreditatsiyasidan oʻtkazish ishlarini muvofiqlashtirish;

kadrlarni tayyorlash, qayta tayyorlash va malakasini oshirish boʻyicha olib boriladigan ishlarni muvofiqlashtirish;

Institut va hududiy markazlarning faoliyatini vazirlikning ustuvor yoʻnalishlari talablari asosida muvofiqlashtirib borilishi, Davlat byudjeti asosidagi fundamental, amaliy tadqiqotlar va innovatsiya ilmiy-texnika dasturlarining joriy va istiqbol rejalarini bajarilishi va amaliyotga tatbiq etilishini nazorat qilish;

Oʻzbekiston Respublikasi Innovatsiya vazirligi tomonidan oʻtkazib boriladigan yigʻilishlarda ishtirok etish hamda hamkorlikda qilinadigan ishlar ijrosini taʼminlash;

Oʻzbekiston Respublikasi Prezidenti Administratsiyasi, Vazirlar Mahkamasining xalq taʼlimi tizimida pedagog kadrlarni tayyorlash, qayta tayyorlash va malakasini oshirish hamda ilmiy tadqiqotlar boʻyicha koʻrsatmalarining bajarilishini taʼminlash;

Qayta tayyorlash va malaka oshirishlarning faoliyati, malaka talablari, oʻquv rejalari, fan dasturlari, oʻqitish metodlari va shakllarini takomillashtirish, oʻquv-moddiy bazasini mustahkamlash boʻyicha rahbariyatga taklif kiritish;

qayta tayyorlash va malaka oshirishlarning barcha shakllarida oʻqitish tizimini huquqiy-meʼyoriy hujjatlarini tayyorlashda faol ishtirok etish va amaliyotga tatbiq etilishini nazorat qilish;

Respublika taʼlim markazi, tegishli muassasalar hamda Institut va Hududiy markazlarning oʻzaro hamkorlikdagi faoliyatini muvofiqlashtirish;

Institut va Hududiy markazlarning barcha faoliyatlari boʻyicha asosiy koʻrsatkichlarni shakllantirish;

qayta tayyorlash va malaka oshirish boʻyicha meʼyoriy hujjatlarni ishlab chiqish, tasdiqqa kiritish va unga amal qilinishini nazorat qilish;

Institut va Hududiy markazlarning hisobotlarini tahlil qiladi hamda ustavlari va yillik ish rejalarini koʻrib chiqib, vazirlik rahbariyatiga tasdiqqa kiritish;

Taʼlim va fan ishlari bilan shugʻullanuvchi vazirlik, idoralar, Fanlar Akademiyasi, Innovatsion rivojlanish vazirligi, Institut va Hududiy markazlar bilan uzviy aloqa oʻrnatish, vazirlik nomidan yigʻilishlarida ishtirok etish;

Vazirlik tasarrufidagi Institut va Hududiy markazlar tomonidan tashkil etiladigan oʻquv seminarlar, konferensiyalarga rahbarlik qilish;

tegishli taʼlim turlari boʻyicha davlat talablari doirasida mutaxassislarning bilim saviyasi va kasb tayyorgarligiga boʻlgan talablarning bajarilishini nazorat qilish;

Boshqarma vazirlikning barcha boshqarmalari, boʻlimlari, vazirlik tasarrufidagi muassasalar va mahalliy boshqaruv tashkilotlari bilan uzviy hamkorlikda oʻz ishini tashkil etadi, shuningdek boshqa vazirliklar va idoralarning tegishli tuzilmalari bilan taʼlim, fan, pedagog kadrlarni tayyorlash, qayta tayyorlash va malakasini oshirish sohasida hamkorlik qilish;

fundamental va amaliy tadqiqotlar hamda innovatsion Davlat ilmiy-texnika dasturlarining joriy va istiqbol rejalarini bajarilishi, hisobotlarini umumlashtirilishini nazorat qilish;

Institut va Hududiy markazlarda olib borilayotgan ilmiy-tadqiqot ishlarini nazorat qilish;

vazirlik ish rejasiga muvofiq vazirlik hayʼati majlisiga kiritiladigan masalalarni taqdim etadi.

oʻz faoliyat doirasiga kiruvchi masalalar boʻyicha Oʻzbekiston Respublikasining taʼlimga oid qonunlari, ijro hokimiyati oliy organlarining qaror va farmoyishlari, shuningdek, vazirlik qarorlari va buyruqlarida belgilangan vazifalar ijrosini taʼminlash;

oʻz faoliyat doirasiga kiruvchi masalalar boʻyicha tegishli davlat organlari hamda vazirlikning tarkibiy boʻlinmalari, tizimga kiruvchi tegishli hududiy boshqarmalar va boʻlimlar bilan hamkorlik qilish;

Respublika taʼlim markazi va hududiy xalq taʼlimi boshqaruv idoralari tarkibidagi taʼlim sifati monitoringi xizmati faoliyatini muvofiqlashtirib borish;

oʻz faoliyat doirasiga kiruvchi masalalar boʻyicha xalqaro, mintaqaviy va respublika miqyosida uchrashuvlar, anjumanlar va seminarlarda ishtirok etish;

info@xtv.uz
@uzedu
/uzedu.uz
@uzedu
/uzedu