Sayt test rejimida ishlamoqda

Vazirlik markaziy apparati

.
image

MUXAMEDOV
SHERZOD
NURMUXAMEDOVICH

Strategik rivojlantirish va yigʻma axborot-tahlil boshqarmasi boshlig‘i

Muxamedov Sherzod Nurmuxamedovich 1983-yil 19-aprel kuni tavallud topgan. 2006-yilda Oʻzbekiston milliy universitetini, 2019-yilda Oʻzbekiston Respublikasi Prezidenti huzuridagi Davlat boshqaruv akademiyasini tamomlagan.

2001-2006 yy. – Mirzo Ulugʻbek nomidagi Oʻzbekiston milliy universiteti talabasi

2006-2010 yy. - Oʻzbekiston milliy universiteti qoshidagi 2-son akademik litseyi informatika fani oʻqituvchisi

2010-2014 yy. - Oʻzbekiston milliy universiteti qoshidagi 2-son akademik litseyi informatika fani katta, yetakchi oʻqituvchisi

2014-2016 yy. - Oʻzbekiston milliy universiteti qoshidagi 2-son akademik litseyi xoʻjalik ishlari boʻyicha direktorining oʻrinbosari

2016-2016 yy. - Oʻrta-maxsus kasb hunar taʼlimi tizimidagi kadrlar malakasini oshirish va ularni qayta tayyorlash instituti 1-toifali iqtisodchisi

2016-2017 yy. - “Kamolot” yoshlar ijtimoiy harakati Olmazor tumani Kengashi raisi

2017-2019 yy. - Oʻzbekiston yoshlar Ittifoqi Olmazor tumani Kengashi raisi

2017-2019 yy. - Oʻzbekiston Respublikasi Prezidenti huzuridagi Davlat boshqaruv akademiyasi tinglovchisi

2019-2020 yy. - Oʻzbekiston Respublikasi Xalq taʼlimi vazirligi Progressiv pedagogik texnologiyalar va taʼlim sohasida yangi tashabbuslarni joriy etish shoʻbasi mudiri

2020-h.v. - Oʻzbekiston Respublikasi Xalq taʼlimi vazirligi Strategik tahlil, progressiv pedagogik texnologiyalar va taʼlim sohasida yangi tashabbuslarni joriy etish boshqarmasi boshligʻi

Boshqarmaning asosiy vazifalari va funksiyalari quyidagilardan iborat:

Respublikada Xalq taʼlimi tizimini strategik rejalashtirish;

sohada amalga oshirilayotgan islohotlar samaradorligini tahlil qilish, baholash

va aniqlangan muammolarni bartaraf etish boʻyicha Xalq taʼlimi vazirligi rahbariyatiga taklif kiritish;

Xalq taʼlimi sohasini rivojlantirish boʻyicha konsepsiya, strategiya, dastur va rejalar xamda sohaga oid boshqa normativ-huquqiy hujjatlarni ishlab chiqish;

Xalq taʼlimi tizimini 2030-yilgacha rivojlanish konsepsiyasining maqsadli koʻrsatkichlariga erishish holatini tahlil qilish va Konsepsiyani kelayotgan yilda amalga oshirish boʻyicha “Yoʻl xarita”sini ishlab chiqish va oʻrnatilgan tartibda yuqori turuvchi tashkilotlarga tasdiqlash uchun kiritish;

Xalq taʼlimi vazirligining markaziy apparati va uning hududiy boshqarma va boʻlimlarini shuningdek tasarrufidagi tashkilotlarda:

operatsion va funksional jarayonlarni maqbullashtirish (BPR - Business process reengineering) boʻyicha oʻrganishlar oʻtkazish va takliflar tayyorlash;

faoliyati samaradorligini baholash (KPI - Key Performance Indicators) mezonlarini ishlab chiqish va joriy etish.

Xalq taʼlimi sohasiga tegishli xalqaro reytinglarni doimiy ravishda oʻrgangan holda, Oʻzbekistonning ushbu reytinglardagi oʻrnini oshirish boʻyicha takliflarni kiritish;

Xalq taʼlimi tizimini isloh qilish boʻyicha ilgʻor xorijiy tajribani kompleks tahlil qilish hamda uni tatbiq etish boʻyicha takliflar tayyorlash;

Xalqaro zamonaviy tajribalarni oʻrganish natijasida Xalq taʼlimi sohasini takomillashtirish va kengaytirish maqsadida yangi xizmatlarni yaratish boʻyicha takliflar ishlab chiqish;

Xalq taʼlimi sohasida innovatsion faoliyatning amalga oshirilishini nazorat qilish;

Progressiv pedagogik texnologiyalar va taʼlim sohasida yangi tashabbuslarni joriy etish;

Xalqaro tashkilotlar tomonidan tuzilgan reyting va indekslarda xalq taʼlimi tizimida amalga oshirilgan ishlar hamda statistik maʼlumotlarni umumlashtirgan holda taqdim etish;

Umumtaʼlim muassasalarida dars jarayonlariga zamonaviy pedagogik texnologiyalarni joriy etilganligini tahlil qilish va ularni takomillashtirish boʻyicha takliflar kiritish;

Xalq taʼlimi tizimini rivojlantirish boʻyicha tashabbuslarni saralash hamda ularni amaliyotga tatbiq etish borasida yagona tizimni yoʻlga qoʻyish;

Tegishli davlat va xoʻjalik boshqaruvi organlari hamda Vazirlikning tarkibiy boʻlinmalari, tizimga kiruvchi hududiy boshqarma va boʻlinmalari hamda tashkilotlar bilan Boshqarmaning oʻzaro hamkorligini taʼminlash;

Boshqarma vakolatiga kiradigan masalalar yuzasidan materiallar tayyorlash hamda Xalq taʼlimi sohasini rivojlantirishga bagʻishlangan xalqaro, mintaqaviy uchrashuvlar, anjumanlar va seminarlarda ishtirok etish.

info@xtv.uz
@uzedu
/uzedu.uz
@uzedu
/uzedu