Yangi o‘quv yili oldidan Toshkent  shahri, Sergeli tumanidagi qator maktablarda amalga oshirilayotgan qurilish-taʼmirlash ishlari vazirlik mutasaddilari tomonidan o‘rganildi.

Bugungi kunda Sergeli tumanidagi 6 ta umumtaʼlim maktabida “Tashabbusli byudjet” (openbudget.uz) loyihasi asosida 5,4 mlrd.so‘mlik  qurilish-taʼmirlash ishlari olib borilmoqda.

Shuningdek, Investitsiya dasturiga ko‘ra 4 ta va “Obod mahalla” dasturi bo‘yicha esa 1 ta maktabda bunyodkorlik ishlari amalga oshirilmoqda.