Tuman mudirlariga ularning shu hudud maktablarining maʼnaviy-maʼrifiy muhiti, o‘quvchilar, pedagoglar jamoasiga maʼsul ekanliklari, ular tomonidan maktab dahlsizligini taʼminlagan holda taʼlim muassasani turli bosimlardan himoya qilishlari zarurligi aytildi.

Viloyat xalq taʼlimi bo‘limi rahbarlariga ushbu hudud hokimi bilan birgalikda maktablarga ko‘proq eʼtibor qaratilishi, hokimlarning taʼlimga munosabatini o‘zgartirish hudud xalq taʼlimi rahbarlariga bevosita bog‘liqligi hamda bu borada ishlarni jadallashtirish zarurati tushuntirildi.

Uchrashuvda shuningdek, 132 ta maktab zamonaviy kompyuter-texnikasi, 344 ta komplekt partalar bilan taʼminlanishi lozimligiga qaramay ahvol hali hamon o‘nglanmayotganligi, viloyatda mavjud 121 ta taʼlim sifati past bo‘lgan maktablarga yangicha yondoshuv bilan eʼtibor qaratish zarurligi taʼkidlandi.

Hududdagi taʼlim darajasi yuqori maktablarning direktorlarini rotatsiya qilish orqali taʼlim sifati past maktablarni ko‘tarish imkoniyatini ko‘rib chiqish taklifi bildirildi.