Sayt test rejimida ishlamoqda

SAMARQAND TAʼLIM MUASSASALARI MUAMMOLARINI O‘RGANISH ISHLARI DAVOM ETMOQDA

20-may 2022-yil
image

Xalq taʼlimi vazirligi masʼullari tomonidan Samarqand shahridagi navbatdagi taʼlim muassasalari muammolari o‘rganildi.

Jumladan, shahardagi 24-maktabda bo‘lib, 11-sinf bitiruvchilari bilan maktabni tamomlash arafasida samimiy muloqot qilinib, ertangi mustaqil hayotga qadam qo‘yishda egallaydigan kasblari, turmush tarzi va hayoti farovon bo‘lishi uchun to‘g‘ri kasb tanlanganligi muhimligi tushuntirib berildi.

photo2022-05-2017-09-55.jpg

O‘quvchilar bilan turli fanlardan savol-javob qilinib, faol qatnashgan 2 nafar o‘quvchiga noutbuk taqdim etildi.

Viloyat xalq taʼlimi boshqarmasiga maktabda ijtimoiy-maʼnaviy muhitni sog‘lomlashtirish, pedagoglarning o‘z ishiga nisbatan masʼuliyatini oshirish, o‘quvchilarga sifatli taʼlim berish bo‘yicha ko‘rsatma berildi.

photo2022-05-2017-07-10.jpg

Mutasaddilar 19-maktabda ham bo‘lib, 8-sinf o‘quvchilarning dars jarayonlarida ishtirok etildi. Matematika, tarix, fizika fanlaridan o‘zlashtirishi, kasblar haqida tushunchalari yuzasidan suhbatlashildi. Mazkur maktabda ham 2 nafar faol o‘quvchiga noutbuk, tengdoshlariga kitoblar jamlanmasi, maktab jamoasiga televizor taqdim etildi.

photo2022-05-2017-09-52.jpg

Mazkur maktab 380 o‘ringa mo‘ljallangan bo‘lib, amalda 640 nafardan ortiq o‘quvchi qariyb 2 koeffitsiyentda taʼlim olmoqda. Viloyat hokimligi bilan birgalikda kelgusida aholisi soni o‘sishini inobatga olib, qo‘shimcha bino qurish uchun joy, dastlabki loyiha va hisob-kitoblarni amalga oshirish to‘g‘risida hududiy boshqarmaga ko‘rsatma berildi.

photo2022-05-2017-09-47.jpg

Shuningdek, 1-sonli alohida taʼlim ehtiyojlari mavjud maktabda bo‘lib, bu yerda o‘quvchilarga sharoitlarni yana-da yaxshilash uchun olib borilayotgan qurilish ishlari bilan tanishildi.

photo2022-05-2017-07-13.jpg

Maktabga televizor taqdim etilib, o‘quvchilarga alohida mehr ko‘rsatish, ularni jamiyatga moslashib ketishlari uchun korreksion taʼlim jarayonlariga alohida eʼtibor qaratish zarurligi takidlandi.

info@xtv.uz
@uzedu
/uzedu.uz
@uzedu
/uzedu