2021 yilning yanvar-aprel oylarida Xalq ta’limi vazirligi tomonidan Birlashgan Millatlar Tashkilotining Giyohvandlik va jinoyatchilikni oldini olish bo‘yicha Markaziy Osiyodagi vakolatxonasi (UNODC) bilan hamkorlikda “Hayotiy ko‘nikmalarni rivojlantirish bo‘yicha ekspert” Respublika tanlovi o‘tkazildi. 3 bosqichda tashkil etilgan ushbu tanlov onlayn tarzda @psyforum telegram kanali orqali uyushtirildi.

Tanlovni tashkil etishdan maqsad – xalq ta’limi tizimida faoliyat yuritayotgan psixolog va pedagoglarning yoshlar orasida hayotiy ko‘nikmalar, jumladan, zararli odatlarga “yo‘q” deyish, stresslarni boshqarish, sog‘lom turmush tarziga amal qilish ko‘nikmalarini rivojlantirish, ota-ona va farzandlar hamda o‘quvchilar orasida ijobiy munosabatlarni shakllantirish orqali maktab va oilada barqarorlikka erishishga o‘rgatish yuzasidan malakasini oshirish, ilg‘or tajribalarni ommalashtirishdan iborat.

Tanlovning 1-boschiqida ishtirokchilar umumta’lim maktablarida amaliyotga tatbiq etilgan “Ahil oila – Baxtli maktab” trening dasturi bo‘yicha test orqali bilimlarini sinovdan o‘tkazishdi.

2-bosqichida esa mazkur trening dastur asosida ishtirokchilar 3 hafta davomida o‘quvchilar va ularning ota-onalari bilan ishlash tajribasini shakllantirdilar hamda o‘z faoliyatini taqdimot shaklida namoyish etdilar.

Ishtirokchilarning taqdimotlari “Ahil oila – Baxtli maktab”  trening dasturi bo‘yicha milliy trenerlar tomonidan baholandi hamda 13 nafar eng kuchli deb topilgan ishtirokchilar 3-final yo‘llanmasini qo‘lga kiritdilar.

Final trening dastur yuzasidan ochiq va yopiq savollardan iborat testlashtirish shaklida bo‘lib o‘tdi.

Tanlovning birinchi bosqichida Respublika bo‘yicha 2 mingga yaqin pedagog va psixologlar ishtirok etdi, shulardan 100 nafari ikkinchi boschiqda qatnashgan bo‘lsa, 13 nafari uchinchi final bosqichida ishtirok etdi. Quyida final bosqichi ishtirokchilari va ularning tanlovda egallagan o‘rni keltirilgan.

Tashkilotchilar tomonidan g‘oliblarga diplom bilan birgalikda quyidagi sovg‘alar taqdim etiladi: