Ўзбекистон Республикасининг “Давлат тили ҳақида”ги қонунига мувофиқ, юртимизда давлат тилида фаолият кўрсатадиган, миллий гуруҳлар зич яшайдиган жойларда эса уларнинг тилларида фаолият кўрсатадиган мактабгача таълим ташкилотлари ташкил этилиши белгиланган.

“Илк қадам” давлат ўқув дастурига асосан, 5 ёшдан бошлаб иккинчи тилни ўргатиш мақсадида хорижий тил машғулот сифатида киритилган.  Агар тилни ўргатиш бўйича ишлар пуллик хизмат асосида амалга оширилаётган бўлса, у ҳолда ота-оналар илтимосига биноан асосий таълим тарбия жараёнидан ташқари вақтларда куннинг иккинчи ярмида ўтказилади.

Юқорида белгиланган талаблардан келиб чиқиб, хорижий тиллар 5-6 ёшдан бошлаб ўргатилади.