Халқ таълими вазирлиги ва Навоий вилоят халқ таълими ходимларини қайта тайёрлаш ва уларнинг малакасини ошириш институти томонидан Навоий шаҳрида "Умумтаълим мактаблари таълим жараёнида ахборот-коммуникация технологияларидан фойдаланишнинг долзарб муаммолари ва ечимлари" мавзусидаги республика илмий-амалий конференсияси ўтказилди.

Республика илмий-амалий конференсияда Халқ тълими вазирлиги, вилоят ҳикомлиги, Мултимедиа умумтълим дастурларини ривожлантириш маркази, Республика таълим маркази, вилоят халқ тълими бошқармаси мутахассислари, Навоий вилоят халқ таълими ходимларини қайта тайёрлаш ва уларнинг малакасини ошириш институти профессор-ўқитувчилари ҳамда амалиётчи ўқитувчилар иштирок этди.

Конференсияда таълим-тарбия жараёнларига замонавий ахборот-коммуникация технологияларини жорий этишнинг долзарб мавзулари муҳокама қилиниб, тизимга ахборот-коммуникация технологияларини жорий этиш, чет тилларини ўқитишда замонавий компютер техникаларидан самарали фойдаланиш усуллари тўғрисида маъруза ва тақдимотлар ўтказилди.

Халқ тълими вазирлиги

 Ахборот хизмати

28.11.2014 00:00:00