Энди АҚШлик мутахассис “Онлайн мактаб”да инглиз тилидан дарс ўтади

Маълумки, фарзандларимизнинг келажакда муваффақиятга эришишида хорижий тилларни билиши ўзининг ижобий натижасини беради.

Шу боис, Халқ таълими вазирлиги томонидан ўқувчи-ёшларга чет тилларини ўргатиш сифатини янада яхшилаш мақсадида қатор лойиҳалар амалга ошириб келинмоқда.

Хусусан, «Онлайн мактаб» лойиҳаси доирасида тасвирга олинаётган умумтаълим мактабларнинг юқори синф ўқувчилари учун инглиз тили дарсларини ўтишга Маданият ва таълим масалалари бўйича америкалик атташе жалб қилинди. Энди ўқувчиларда инглиз тилини хорижлик мутахассисдан ўрганиш имконияти пайдо бўлди.

Жоан фарзандларимизга тил ўрганишнинг осон ва самарали йўллари орқали инглиз тилини ўрганишларида кўмаклашади. Бу эса ўз навбатида ўқувчиларнинг чет тилини ўзлаштиришларида ижобий самара беради.

Baham ko'ring: