Осиё чемпионати якунланди

2017.08.02 | Янгиликлар

Мактаб ўқувчилари ўртасидаги Осиё чемпионатида шахматчиларимиз 8 та олтин, 6 та кумуш ва 4 та бронза медалга сазовор бўлди. 

 
 
 
 
 
 
 
 
 
 
 
 
 
 
 
 
 
 
 
 
 

Юртимиз шарафини муносиб ҳимоя қилаётган иқтидорли ёш спортчиларимиз халқаро мусобақаларда кескин ва муросасиз баҳслар намойиш этиб, маҳорат бобида манаман деган рақибларидан устун эканини исботламоқда. 

Жорий йилнинг 21—29 июль кунлари Хитойнинг Панцзин шаҳрида мактаб ўқувчилари ўртасида қитъа чемпионати бўлиб ўтди. Унда ўзбекистонлик ёшлар муваффақиятли иштирок этди. Вакилларимиз блиц, рапид ва стандарт шахмат йўналишларининг барчасида медалларга сазовор бўлди: стандарт йўналишида — 1 олтин, 3 кумуш, 1 бронза, рапидда — 2 олтин, 2 кумуш, 2 бронза, блицда — 5 олтин, 1 кумуш, 1 бронза медаль. 

 
 
 
 
 
 
 
 
 
 
 
 
 
 
 
 
 

Якуний натижаларга кўра, жами 18 медалга сазовор бўлган Ўзбекистон терма жамоаси умумжамоа ҳисобида 2-ўринни эгаллади. 1-ўрин Хитой ва 3-ўрин Филиппин терма жамоаси вакилларига насиб этди. 

Ёш шахматчиларимизнинг натижалари билан танишинг: 
Умида Омонова (11 ёшгача) — стандартда — 1-ўрин, рапидда — 2-ўрин, блицда — 1-ўрин. 
Олмос Раҳматуллаев (11 ёшгача) — стандартда — 2-ўрин, рапидда — 1-ўрин, блицда — 1-ўрин. 
Афрўзабону Рўзиматова (7 ёшгача) — стандартда — 2-ўрин, рапидда — 2-ўрин, блицда — 1-ўрин. 
Ситора Сапарова (15 ёшгача) — стандартда — 3-ўрин, рапидда — 1-ўрин, блицда — 1-ўрин. 
Юлия Хегай (13 ёшгача) — стандартда — 2-ўрин, рапидда — 3-ўрин, блицда — 2-ўрин. 
Зилола Актамова (9 ёшгача) — рапидда — 3-ўрин, блицда — 1-ўрин. 
Мирфайз Суннатов (13 ёшгача) — блицда — 3-ўрин. 

Халқ таълими вазирлиги 
Ахборот хизмати

Рўйхатдан ўтиш





Топ Рейтинг НИПС www.uz
100031, Ўзбекистон, Тошкент шаҳри, Яккасарой тумани, Миробод кўчаси, 14-уй.
Телефон: (+99871)215-52-81, факс: (+99895)479-99-08 e-mail: uzedu@exat.uz
Вазирлик иш кунлари: душанба-жума(9.00-18.00гача, 13.00-14.00гача тушлик),
дам олиш кунлари: шанба, якшанба ва байрам кунлари.
Матбуот хизмати рақами: (+99871)266-18-53

Ўзбекистон Республикаси Халқ таълими вазирлиги

Cайтнинг очиқлик сиёсати

Материалдан тўлиқ ёки қисман фойдаланилганда, uzedu.uz манбаси кўрсатилиши шарт.

Вазирлик сайтининг олдинги варианти.

Ҳозир сайтда: 33

Хато кўрсангиз белгиланг ва Ctrl+Enter ни босинг.