Ёшлар оромгоҳида педагоглар

2014.11.03 | Янгиликлар

Бўстонлиқ туманининг “Камолот” ёшлар оромгоҳида Халқ таълими вазирлиги тизимидаги ходимлари учун “Камолот” ёшлар ижтимоий ҳаракатининг бошланғич ташкилотлари фаолияти самарадорлигини ошириш” мавзусида Республика ўқув-семинари ўтказилди.

140 нафардан ортиқ маънавий-аҳлоқий тарбия йўналиши мутахассислари уч кун давом этган семинарда тажрибаларини бойитиб, ўзаро фикр мулоҳаза алмашдилар. Ўқув машғулотларида “Соғлом блоа йили” давлат дастури, Президентимизнинг жорий йил 6-февралдаги ПҚ-2124-сонли қарори билан тасдиқланган “Ўзбекистон Республикасида 2014 йилда ёшларга оид давлат сиёсатини амалга оширишга қаратилган қўшимча чора-тадбирлар дастури”да белгиланган вазифалар ижроси бўйича маърузалар тингланди. Семинарга жалб этилган тажрибали мутахассислар томонидан ҳаракатнинг бошланғич ташкилоти фаолиятини моддий-техник ва услубий жиҳатдан қўллаб-қувватлаш, иш самарадорлигини ошириш бўйича таклиф ва тавсиялар берилди.

Машғулотларда илғор иш тажрибасига эга, малакали педагогларнинг фаолияти, улар ташаббуси билан умумтаълим мактабларида “Камолот” ЁИҲнинг бошланғич ташкилоти аъзолари учун ташкил этилаётган маънавий-маърифий тадбирлар ҳамда истеъдодли ёшларни аниқлаш ва рағбатлантириш бўйича амалга оширилаётган кенг кўламли саъй-ҳаракатлар ҳақида атрофлича сўз юритилди.

Семинар доирасида кинорежиссор Ҳилол Насимовнинг “Гумроҳлар” бадиий филми намойиши ҳамда кино ижодорлари билан учрашув иштирокчиларда катта таассурот уйғотди.

Рўйхатдан ўтиш





Топ Рейтинг НИПС www.uz
100031, Ўзбекистон, Тошкент шаҳри, Яккасарой тумани, Миробод кўчаси, 14-уй.
Телефон: (+99871)215-52-81, факс: (+99895)479-99-08 e-mail: uzedu@exat.uz
Вазирлик иш кунлари: душанба-жума(9.00-18.00гача, 13.00-14.00гача тушлик),
дам олиш кунлари: шанба, якшанба ва байрам кунлари.
Матбуот хизмати рақами: (+99871)266-18-53

Ўзбекистон Республикаси Халқ таълими вазирлиги

Cайтнинг очиқлик сиёсати

Материалдан тўлиқ ёки қисман фойдаланилганда, uzedu.uz манбаси кўрсатилиши шарт.

Вазирлик сайтининг олдинги варианти.

Ҳозир сайтда: 36

Хато кўрсангиз белгиланг ва Ctrl+Enter ни босинг.