Мактабларда ижобий психологияни ўқитиш методикаси жорий этилади

2019.01.30 | Янгиликлар

Ўзбекистон Республикаси Халқ таълими вазирлиги “Мактабларда зўравонликни олдини олиш ва ижобий психологияни ўқитиш методикаси” лойиҳаси амалга оширишни бошлади.

Лойиҳа мактабларда ўқувчиларнинг эмоционал ҳолатини аниқлаш ва позитив психология методини ўқитиш орқали буллингни олдини олиш ва унга қаршиликни оширишга қаратилган.

Мазкур беш ойлик лойиҳани амалга оширишда АҚШлик профессор Лори Вульф иштирок этади. Профессор Лори Вульф АҚШда ижобий психология соҳаси мутахассиси, бир қатор илмий нашрлар ва профессионал тақдимотлар муаллифи. Вульф хоним болалар ва ўқитувчилар ўртасида стрессни бошқариш соҳасида, шунингдек, болаларда стресс ҳолатини аниқлашга ихтисослашган эксперт. Лори Вульф АҚШнинг турли таълим муассасаларида фаолият юритган.

Мактабда таълим оладиган болалар ва ўсмирлар турли инқирозли вазиятларга дуч келишади. Бу эса дадил фикрлашга ва ҳаракатланишга зиддиятлар олиб келиши мумкин. Лойиҳанинг асосий эътибори юртимиздаги мактаб психологларига руҳий тушкунликка тушган болаларни аниқлаш, шунингдек, ўқитувчи ва психологлар учун тренинг ва машғулотлар орқали стрессни енгиб ўтишига кўмак беришга қаратилади. Шу билан бирга, лойиҳа ўқитувчиларга ҳам стресс ва ишдан “совиш” ҳолатларини олдини олишда ёрдам беради.

Лойиҳа Тошкент шаҳридаги 241-, 64-, 133-, 324-умумий ўрта таълим мактабларини қамраб олади. Ушбу мактаб ўқитувчилари ҳамда психологлари буллингни олдини олиш ва ижобий психология методи бўйича билим ва кўникмаларни эгаллайди.

Мазкур лойиҳа муваффақиятли амалга оширилса, ижобий психологияни ўқитиш методикасини Халқ таълими тизими раҳбар ва мутахассис ходимларини қайта тайёрлаш ва малакасини ошириш тизимига ҳам жорий этиш режалаштирилган.

 

Халқ таълими тизимига оид сўнги янгиликлар билан вазирликнинг телеграм канали орқали ҳам танишиб боришингиз мумкин.

Халқ таълими вазирлиги
Ахборот хизмати

Рўйхатдан ўтиш





Топ Рейтинг НИПС www.uz
100031, Ўзбекистон, Тошкент шаҳри, Яккасарой тумани, Миробод кўчаси, 14-уй.
Телефон: (+99871)215-52-81, факс: (+99895)479-99-08 e-mail: uzedu@exat.uz
Вазирлик иш кунлари: душанба-жума(9.00-18.00гача, 13.00-14.00гача тушлик),
дам олиш кунлари: шанба, якшанба ва байрам кунлари.
Матбуот хизмати рақами: (+99871)266-18-53

Ўзбекистон Республикаси Халқ таълими вазирлиги

Cайтнинг очиқлик сиёсати

Материалдан тўлиқ ёки қисман фойдаланилганда, uzedu.uz манбаси кўрсатилиши шарт.

Вазирлик сайтининг олдинги варианти.

Ҳозир сайтда: 32

Хато кўрсангиз белгиланг ва Ctrl+Enter ни босинг.