Ўзбекистонда нодавлат таълим муассасаларини ривожланишига тўсқинлик қилувчи муаммолар муҳокама этилди

2019.01.21 | Янгиликлар

Жорий йилнинг 18 январь куни Ўзбекистон Халқ таълими вазирлиги раҳбарияти томонидан нодавлат таълим муассасалари вакиллари билан учрашув ташкил этилди. Тадбирда Халқ таълими вазири Шерзод Шерматов, вазир ўринбосари Сарвар Бабаходжаев, Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси вакили Сардор Махсудов ҳамда Ўзбекистон нодавлат таълим муассасалари ассоциацияси аъзолари иштирок этишди.

Тадбирнинг очилиш маросимида Халқ таълими вазири Шерзод Шерматов мамлакатимизда давлат таълим муассасалари билан бир қаторда нодавлат таълим муассасаларининг ривожлантиришга ҳам катта эътибор қаратилаётгани ҳақида тўхталиб ўтди. Жумладан, хусусий мактаблар ўз-ўзидан ривожланмаслиги, асосий мақсад мазкур ўқув масканларида таълим сифатини яхшилаш эканлиги борасида фикр билдирди. Қолаверса, мазкур тадбир Ўзбекистонда нодавлат таълим муассасаларининг ривожланишига тўсқинлик қилувчи муаммоларни аниқлаш учун ташкил этилганини алоҳида таъкидлади.

Маълумки, юртимизда таълимни ривожлантиришга, хусусан, нодавлат таълим муассасаларини ташкил этишга катта эътибор қаратиб келинмоқда. Жумладан, статистик маълумотлар 2016 йилда Ўзбекистонда 24 та нодавлат таълим муассасаси фаолият юритган бўлса, 2018 йилга келиб уларнинг сони 84 тадан ошганидан дарак бермоқда.
Шунга қарамай, мазкур соҳада нодавлат таълим муассасаларининг ривожланишига тўсқинлик қилаётган муаммолар учрамоқда. Жумладан, хусусий мактаблар дарсликлар ва лицензиялар олишда ҳамда кам таъминланган оила фарзандлари учун таълимни ташкил этишда солиққа тортиш масалалари бўйича қийинчиликка дуч келмоқда.
Тадбир доирасида таълим жараёнига замонавий усулларни жорий этиш ҳамда ўқув дастурларини тасдиқлаш масалалари ҳам кўриб чиқилди. Шу билан бирга нодавлат таълим муассасалари Республика таълим маркази билан биргаликда хориж давлатларининг замонавий усуллари ҳамда тажрибаси асосида ўқув дастурларини ишлаб чиқиш ва амалга ошириши мумкинлиги таъкидланди.
Учрашув сўнгида ХТВ томонидан нодавлат таълим муассасалари вакилларини мавжуд муаммоларни ҳал этиш бўйича таклифлар тайёрлаш ва ушбу йўналишда Ўзбекистон қонунчилигини такомиллаштириш бўйича тавсиялар берилди. Шунингдек, Халқ таълими вазирлиги нодавлат таълим муассасаларини очиш ва уларга ўз лойиҳаларини амалга оширишда кўмак берувчи сармоядорлар билан ҳамкорлик қилишга тайёр эканлиги алоҳида таъкидлаб ўтилди.

Халқ таълими вазирлиги
Ахборот хизмати

Рўйхатдан ўтиш





Топ Рейтинг НИПС www.uz
100031, Ўзбекистон, Тошкент шаҳри, Яккасарой тумани, Миробод кўчаси, 14-уй.
Телефон: (+99871)215-52-81, факс: (+99871)215-50-94 e-mail: uzedu@exat.uz
Вазирлик иш кунлари: душанба-жума(9.00-18.00гача, 13.00-14.00гача тушлик),
дам олиш кунлари: шанба, якшанба ва байрам кунлари.
Матбуот хизмати рақами: (+99871)266-18-53

Ўзбекистон Республикаси Халқ таълими вазирлиги

Cайтнинг очиқлик сиёсати

Материалдан тўлиқ ёки қисман фойдаланилганда, uzedu.uz манбаси кўрсатилиши шарт.

Вазирлик сайтининг олдинги варианти.

Ҳозир сайтда: 30

Хато кўрсангиз белгиланг ва Ctrl+Enter ни босинг.