O`ZBEKISTON RESPUBLIKASINING
QONUNI
27.12.1996 y.
N 367-I
O`QITUVCHI VA MURABBIYLAR
KUNINI BELGILASH TO`G`RISIDA
O`zbekiston Respublikasi Oliy Majlisi QAROR QILADI:
1. 1 oktyabr "O`qituvchi va murabbiylar kuni" deb belgilansin hamda u bayram (dam olish) kuni deb hisoblansin.
2. O`zbekiston Respublikasining 1995 yil 21 dekabrdagi Qonuni bilan tasdiqlangan O`zbekiston Respublikasi Mehnat kodeksining (O`zbekiston Respublikasi Oliy Majlisining Axborotnomasi, 1996 yil, 1-songa ilova) 131-moddasi oltinchi xatboshidan keyin quyidagi mazmundagi yangi xatboshi bilan to`ldirilsin:
"1 oktyabr - O`qituvchi va murabbiylar kuni;"
Shu moddaning yettinchi, sakkizinchi va to`qqizinchi xatboshilari tegishli ravishda sakkizinchi, to`qqizinchi va o`ninchi xatboshilar deb hisoblansin.
3. O`zbekiston Respublikasining "Xalq ta'limi xodimlari kunini belgilash to`g`risida"gi 1993 yil 29 dekabr Qonuni (O`zbekiston Respublikasi Oliy Kengashining Axborotnomasi, 1994 yil, N 1, 26-modda) o`z kuchini yo`qotgan deb hisoblansin.
O`zbekiston Respublikasining
Prezidenti I.A. KARIMOV
Maqola sanasi:
