Энг яхши электрон ахборот-таълим ресурслари аниқланди

2016.05.11 | Янгиликлар

 

 

 

 

 

 

 

 

 

 

 

Халқ таълими вазирлиги томонидан “Энг яхши электрон ахборот-таълим ресурслари” кўрик-танлови ўтказилди.

Мазкур кўрик-танловни ўтказишдан кўзланган мақсад таълим-тарбия жараёнида замонавий ахборот-коммуникация ва педагогик технологияларни самарали қўллаётган ўқитувчиларнинг ижодий фаолиятини ошириш ҳамда ўқувчилар орасида дастурлаш йўналиши бўйича энг иқтидорлиларини аниқлаш ҳамда уларни қўллаб-қуватлаш, уларнинг ижодий изланишларини ривожлантиришдан иборат.

Кўрик-танловнинг асосий вазифалари ўқитувчи ва ўқувчиларнинг ахборот-коммуникация технологияларидан таълим-тарбия жараёнида самарали фойдаланишини ва компьютер имкониятларидан самарали фойдаланиб ўқувчиларни дастурчи касбига қизиқтиришдир.

Кўрик-танловнинг бу йилги якуний республика босқичи Наманган шаҳрида ўтказилиб, унда танловга тақдим этилган ишлар 2 та йўналиш бўйича баҳоланди.

Биринчи йўналишда умумтаълим, ихтисослаштирилган ва махсус таълим муассасалари ўқитувчилари томонидан яратилган энг яхши электрон ахборот-таълим ресурслари баҳоланди. Бу йўналишда 1-ўринни Қашқадарё вилояти, Ғузор тумани 1-сонли умумтаълим мактабининг информатика фани ўқитувчиси Азамат Мавланов, 2-ўринни Тошкент шаҳар, М.Улуғбек тумани  50-сонли умумтаълим мактабининг  математика фани ўқитувчиси Ирина Репьёва, 3-ўринни Тошкент вилояти, Оҳангарон тумани 32-сонли умумтаълим мактабининг информатика  фани ўқитувчиси Хусан Холқулов эгалладилар.

Иккинчи йўналишда умумтаълим, ихтисослаштирилган ва махсус таълим муассасалари ўқувчилари томонидан яратилган энг яхши электрон ахборот-таълим ресурслари баҳоланди. Бу йўналишда 1-ўринни  Бухоро вилояти, Ғиждувон тумани 4-сонли умумтаълим мактабининг 9-синф ўқувчиси Ҳамидов Азизбек қўлга киритган бўлса, 2-ўринни Сурхондарё вилояти, Термиз шаҳри 3-сонли умумтаълим мактабининг 9-синф ўқувчиси Набиев Фазлиддин, 3-ўринни Қорақалпоғистон Республикаси Нукус шаҳри 25-сонли умумтаълим мактабининг 8-синф ўқувчиси Абуова Жансая эгаллади.

Халқ таълими вазирлиги
Ахборот хизмати

 

Рўйхатдан ўтиш





Топ Рейтинг НИПС www.uz
100159. Ўзбекистон. Тошкент шаҳри, Мустақиллик майдони
Телефон: (+99871) 239-13-43,факс: (+99871) 239-16-30
e-mail: info@xtv.uz

Ўзбекистон Республикаси Халқ таълими вазирлиги

Cайтнинг очиқлик сиёсати

Материалдан тўлиқ ёки қисман фойдаланилганда, uzedu.uz манбаси кўрсатилиши шарт.

Вазирлик сайтининг олдинги варианти.

Ҳозир сайтда: 37

Хато кўрсангиз белгиланг ва Ctrl+Enter ни босинг.